Xogo Edilim - Paxaros do río Gafos (I-VI)

Estamos xa no VI bloque do Xogo Edilim sobre paxaros das nosas ribeiras. Centrado especialmente no Río Gafos da provincia de Pontevedra. Dende do último  podes acceder aos demais.

Os paxaros traballados nos diferentes bloques son:

BLOQUE I - Lavandeira, Gaivota, Merlo, Pomba, Pega, Corvo

BLOQUE II - Abelleiro, Azulenta, Anduriña, Arcea, Bilurico e Aveloíña

BLOQUE III - Papuxa, Pimpín, Gabeador, Lavanco, Liñaceiro e Rousinol

BLOQUE IV - Ganso, Xílgaro, Paporroibo, Escribenta, Verderolo e Pombo torcaz

BLOQUE V - Folosa amarela, Trallón cinsento,  Rabirrubio tizón, Estreliña riscada, Xirín común e Moucho das orellas

BLOQUE VI - Birrio, Garzota, Picafollas, Rula, Tordo e Peto

Dúas verdades e unha mentira

En especial para o noso Día dos Inocentes (1 de abril):

Cómo xogar?  1. Cada membro do grupo ten que anotar dúas verdades e unha mentira sobre si mesmos.

 2. As ideas a escribir poden ser simples pasatempos, intereses ou experiencias pasadas.
3. As mentiras poden ser, ou ben, unha parvada ou disparate; ou ben, poden semellar unha verdade, para que deste xeito sexa máis difícil de adiviñar.
4. Despois, imos compartir as declaracións de cada persoa e o grupo terá que adiviñar que afirmacións son falsas e cales son as verdadeiras.
5. Podemos anotar unha puntuación para ver quen é a persoa que adiviña a maior cantidade de mentiras, ou ben, simplemente xogar para divertirnos e coñecernos un pouco máis.

Descargar en PDF

O tren de caixa de mistos

Elaboración dun tren. Con caixas de mistos e un cordel fino ou con fío podemos elaborar un tren cos seus vagóns.    Ver vídeo

Boi de carozo de millo

Un carozo de millo con catro paus pequenos aguzados nas puntas, coma se fose un lapis. Facémoslle ao carozo dous buratos, un pouco inclinados cara a fóra, a unha distancia de 3 cm da parte máis grosa e separados entre si 1 cm. Deseguido, repetimos este mesmo proceso a uns 10 cm das patas de diante. Colocamos as patas nos seus buratos respectivos. Apañamos dous paus curvos e procuramos aguzalos e redondealos, de xeito que semellen o máis posible a uns cornos. Realizamos dous buracos, á altura do que vai ser a cabeza, un pouco ladeados. Espetámoslle os paus e xa está feito o boi. Ver como se fai . 

Xogo da ola - No Domingo Oleiro do Entroido (As Eiroas)

Nun corro, os/as participantes van tirándose olas de barro evitando que escachen. Se algunha cae no chan, penalízase a quen a rompeu. Xógase polo Entroido no Concello do Porriño, Concello de Xinzo de Limia  ou As Eiroás. Tamén está documentado en Maceda, na Pobra do Caramiñal, Ferrol, Lugo e Allariz e mesmo na Pascua do compostelán barrio de San Pedro (Datos de Brinquedia). Ver vídeo

Chuca con tapóns

Dámóslle a volta a varios vasos e poñémoslle un tapón ou calquera outro obxecto pequeno na parte posterior do vaso e logo collémolo lanzando o tapón ao aire e intentámolo coller meténdoo no vaso. Ver vídeo

Pilla tapóns con botella

Collemos os tapóns das botellas e deixámolas nun recipiente. Quen colle máis?

Ver vídeo

Crebacabezas con pelouros

Marcamos cun lápis as figuras que forman os pelouros rodeándolos polo seu perímetro, logo hai que colocar de novo os pelouros no seu lugar. Ver vídeo

O rei da roda

 De catro a seis xogadores agárranse da man nunha roda. Un queda fora e terá que dicir: Vou tocar no lombo a ….   Unha vez diga o nome os demais do grupo teñen que protexelo dando voltas e poñéndose de costas para que o seu compañeiro que o máis lonxe posible do pandote.

 Ver ficha  -  Ver vídeo

Pelexa de galos

 Sirva como exemplo dos sinxelos "combates" que poden organizarse para poñer en xogo a nosa forza e habilidade.
Os dous contendentes sitúanse agachados, de crequenas, e apoiados só na punta dos pés. Debúxanse dous círculos tanxentes, situándose cada contendente nun deles. O xogo consiste en empurrar coas palmas das mans tratando de que o adversario saia do seu círculo ou perda o equilibrio.
Como sucede sempre cos xogos tradicionais, as normas deben acordarse antes de comezar o xogo. Non obstante, parecen consensuadas estas:
- Só se permite empurrar coas palmas. Está prohibido tocar na cara.
- Perde aquel/a contendente que teña que botar as mans ao chan, ou que apoie toda a planta do pé, ou que toque a liña do círculo. Ver ficha -  Ver vídeo