Xogos cantados - A cesta

Muíño de auga

O cataventos

Rin ran de noz

Lanchiña de casca

Estraloque de cardo

Manueliño foi ao viño

 Manueliño
foi ao viño.
e rompeu o xerro
no camiño.
Mal polo xerro,
mal polo viño,
mal polo cu do Manueliño.

Patrimonio lúdico galego. Investigación, recursos e divulgación dos xogos tradicionais

 Publicado o libro de investigación promovido polo Observatorio do Patrimonio Lúdico Galego.  O día 11 de novembro, coincidindo coa festa da San Martiño, saíu do prelo a obra colectiva Patrimonio lúdico galego. Investigación, recursos e divulgación dos xogos tradicionais. Considerado xa un fito na historia da investigación do noso patrimonio lúdico, o libro foi escrito por un total de 42 especialistas, e está editado pola Universidade de Santiago e pola Secretaría Xeral da Lingua.  A obra recolle un total de 37 estudos e experiencias (acceso ao índice) desde os máis variados campos, agrupados en catro bloques diferentes.

Os 300 exemplares que foron impresos poden adquirirse no sitio web do Servizo de Publicacións da Universidade de Santiago. A obra coñecerá a súa versión en aberto dentro dun tempo. Están programadas xa diferentes presentacións do libro, que aspira a marcar un antes e un despois na historia lúdica de Galicia, ao longo de toda a xeografía galega. Serán anunciadas puntualmente.

Trompa

 .

 "Trátase dunha variante do xogo con peóns que ten a particularidade de que se practica cun peón grande autoconstruído (a trompa). A un cilindro de madeira duns 12-14 cm de altura e de 7-8 cm de diámetro, agúzaselle unha das puntas. No extremo aguzado crávase unha tachola ou unha punta cónica, da cal debe sobresaír a cabeza. Precísase tamén unha xostra (a zorrega ou látego), construída cun pau redondo a xeito de mango, duns 15 cm de lonxitude. Nun extremo fáiselle un entalle ou rebaixe, no que se cravan cinco ou seis tiras de lona ou coiro, duns 30 cm de longo por 1 cm de ancho.Para poñer en práctica o xogo débeselle imprimir á trompa un pequeno movemento de xiro coa man para que comece a bailar e, a continuación, darlle habelenciosamente sucesivas xostradas tratando de manter un movemento de rotación e outro de translación, simultáneo.A competición consiste en tratar de acadar coa trompa unha liña prefixada. De o conseguir, o xogador/a en cuestión, gaña. De non facelo, a vez pasa ao seguinte. Debe facerse notar que o máis frecuente é que a trompa siga unha liña crebada, e que incluso trace círculos. E tamén frecuentes, claro, que a trompa deixe de bailar antes de acadar o obxectivo." Fonde de orixe: Xogos Tradicionais Galegos.   VER VIDEO . Ver máis en Brinquedia

 

Brincaletras da "Buxaina"